【媽媽嘅辛酸~點幫小朋友揀書包?!】

小編有個讀小學嘅女女,今年第一年為佢揀書包,真係揀到頭都痕埋,左揀右揀都唔知邊隻最好~做父母就一定想買能力以內最好嘅比小朋友,問題係隻隻都話自己好,究竟點先叫好?點先叫合適呢?

 

其實書包一定要具備6大要點:
1) 肩帶要寬1吋或以上,令書包重力分佈更平均,如果有埋軟墊增加承托力及舒適度就最好啦

2) 附有胸帶及腰帶,小朋友揹書包時兩條帶都要扣起和索緊,固定兩邊肩帶不會郁動,咁就可以將部份重力分散到腰部,以免影響脊骨發展

3) 書包本身物料則要挺身,貼背部份要較硬

4) 內裏應該要有分隔層,而重書籍應放於最內層貼背部位置,就可以避免小朋友行嘅時候啲重嘅書浪嚟浪去,影響重力分佈

5) 不鼓勵學童用有輪嘅拖行式書包,因為拖行嘅時候身體會好易側偏,一樣有機會影響脊骨發展

6) 書包亦不應該太大,書包底部最好只及腰就夠

如果你覺得有用,買書包嘅時候就要注意上面呢幾點啦!

溫馨提示:書包連書嘅重量最理想係學童體重嘅10%,如果太重,就最好攞啲出嚟用手拎啦!