轉季期間,天氣愈嚟愈乾燥,身體好容易出現大小毛病!唔想秋冬過得咁Dry,你就要做好準備,由日常飲食入手!以下呢3寶就幫到你啦~

No.1 黃瓜:
唔好睇小一條小小嘅黃瓜,佢含有豐富嘅營養成分,可以促進人體新陳代謝同排出毒素,同時將抑製糖類物質轉化為脂肪,對內臓同排泄系統都非常有益,幫你抗乾燥嘅同時,仲有美白肌膚同暢通排便嘅效果~

No.2 百合
百合雖然食落有苦苦哋,不過營養價值一樣高,可以補肺、安神、減輕疲勞同止咳!只要將百合同其他食材混合,仲可以長期食用,調理身體~好似粳米(治老人失眠),銀耳(滋陰),綠豆(清熱)等,點食都唔怕悶又夠健康!

No.3 蓮子
相信大家對蓮子絕對唔會感到陌生,好似木瓜雪耳糖水同蓮子茶都係好味又滋補嘅糖水!蓮子可以寧心安神、補脾固精,對治療失眠好有效,同時提高免疫力!唔講唔知,蓮子有分紅白兩種,前者可以補腎補血,後者可以健脾~記得根據自己體質揀啦!

不過淨係靠食療都唔夠㗎,想一家人時刻又Fit又健康,日常生活嘅細節都唔可以忽視!一個高效又可靠嘅濾水器可以幫你過濾水入面嘅細菌、臭蟲、重金屬同化學物,同時保留人體所需嘅鹽同電解質(靜靜雞話你聽!其實好多濾水器會連有益嘅成分都過濾埋),相信錫住屋企人嘅你一定識揀